Me kalimin e viteve, shumica e njerëzve bëhen më të butë dhe më të ndjeshëm
Zakonisht, gratë bëhen gjyshe, pasi kanë kaluar shumë fitore, zhgënjime dhe shumë zgjedhje të rëndësishme në jetë.
Pra, jeta i ka mësuar me shumë sfida, prandaj ato kanë tendencën të bëhen më të buta, më të pjekura dhe janë më të hapura për të ndërtuar një marrëdhënie kuptimplotë me njerëzit e tjerë, duke filluar me nipërit e tyre.
Kur bëheni gjyshe përparësitë tuaja ndryshojnë. Fëmijët tuaj janë rritur dhe mbase ata nuk kanë nevojë për ndihmën tuaj.
Zakonisht, keni më shumë kohë për të kaluar me nipërit tuaj, pasi jeni më afër pensionit, sesa kur ishit vetëm prind. Tashmë, kohën e lirë e kaloni me nipërit, duke ju mësuar atyre gjëra të reja.
Zakonisht është e lehtë për fëmijët të duan prindërit e tyre, sepse ata jetojnë me ta dhe krijojnë një lidhje të fortë.
Sidoqoftë, prindërit ndonjëherë mund të jenë shumë kritikë kur bëhet fjalë për fëmijët e tyre, gjë që mund të bëjë që të dy palët të jenë të irrituara. Ndërkohë që gjyshet zakonisht nuk i kritikojnë nipërit dhe mbesat e tyre për sjellje të keqe, aq sa kanë bërë me fëmijët e tyre. Gjyshërit, madje janë gjithmonë aty, për t’i mbështetur dhe mbrojtur kur prindërit i qortojnë.
