Po i jepte gji foshnjës, një majmun që kishte humbur të voglin ulet pranë saj

66

Një nënë e re shpërtheu në lot kur një orangutan femër po provonte ta “mbronte” atë ndërsa ajo i jepte gji fëmijës së saj, në një takim të pabesueshëm në një kopsht zoologjik.

Sipas mediave të huaja, përcjell Telegrafi, Gemma Copeland, 30, nga Cheshire, ishte në një vizitë në kopshtin zoologjik Schoenbrunn ndërsa ishte me pushime në Vjenë, Austri.

Ajo ishte atje me djalin e saj 15-vjeçar Jasper dhe partnerin Shane, 31 vjeç, të enjten e kaluar kur e kuptoi që Jasper kishte nevojë për tu ushqyer ndërsa ishte afër “kafazit” të orangutanit.

Ndërsa Gemma u ul afër xhamit për të ushqyer djalin e saj, një orangutan femër filloi ta shikonte në mënyrë interesante, duke e puthur dhe vendosur dorën në xham – në një lidhje emocionale 30-minutëshe – të cilën Shane arriti ta kapte në telefonin e tij.

”Unë shkova tek dritarja për një vështrim nga afër dhe u ula pranë dritares, në mënyrë që djali im të shihte orangutanin që ishte afërsisht rreth 3 metra larg. Nuk doja ta frikësoja atë, kështu që tentova vetëm të bëja një fotografi. Kafsha pastaj u ngrit, erdhi dhe u ul afër nesh”.

“Ajo vështroi drejtpërdrejt në sytë e mi, pastaj e vendosi dorën lart sikur të prekte djalin tim. Ajo qëndroi me mua përafërsisht gjysmë ore, dhe vazhdoi të prekte xhamin dhe të shtrihej pranë meje, sikur donte të më mbështeste dhe të më mbronte”.
“Unë isha absolutisht e prekur dhe mblodha një turmë të madhe njerëzish për të parë se çfarë po ndodhte – njerëzit ishin ulur të shikonin në heshtje dhe me respekt”.

“Ishte vërtet diçka e bukur dhe nuk doja të largohesha – u preka dhe fillova të qaja”.

Nëna e re ka zbuluar që nga orangutani, Sol, më parë lindi një “foshnjë të ngordhur”, duke e bërë përvojën edhe më emocionuese.

Top Channel