Papa Françesku: Gruaja nuk është për të larë enët!

158

Gruaja është ajo që jep harmoni dhe kuptim për planetin. Kjo ishte pjesa më goditëse e një predikimi të bërë së fundmi nga Papa Françesku. Kreu i Kishës Katolike u shpreh se gruaja sjell një pasuri që mashkulli nuk e gjen në botë, gruaja sjell harmoni në Krijim. “Qëllimi i saj nuk është që të lajë enët, por është ta bëjë botën më të bukur duke e mbushur me dashuri dhe butësi”.

Papa Françesku u shpreh se e jona është një shoqëri me një qëndrim të fortë mashkullor dhe se, shpesh, kur bëhet fjalë për femrat, ato lidhen vetëm me detyrat që duhet të përmbushin në shtëpi, pa marrë në konsideratë që gruaja, në racën njerëzore, kryen një mision që shkon shumë më tej dhe që mashkulli nuk mund ta bëjë kurrë.

“Burri dhe gruaja nuk janë të barabartë, nuk janë më superiorë se njëri-tjetri. Gruaja sjell harmoni që na mëson të ushqejmë dashuri dhe butësi, dhe që e bën botën një gjë të bukur”, tha Papa. Në reflektimin e tij, Papa foli për figurën dhe rolin e gruas duke filluar nga Krijimi i transmetuar në librin e Zanafillës. “Gruaja është harmoni, është poezi, është bukuria!”, tha ai.